主页 > L再生活 >新店直击!诚品生活尖沙咀店正式试业! >

新店直击!诚品生活尖沙咀店正式试业!

发布时间:2020-07-13   浏览量:176   

 

讲咗咁耐,诚品生活尖沙咀店今日(10月1日)终于正式试业喇,以后唔洗特登过海都可以行诚品!讲到明係诚品生活,除咗书之外就梗係有其他嘢卖啦,今次引入咗42个品牌,当中仲超过一半係来自台湾添!

新店直击!诚品生活尖沙咀店正式试业!
除咗星光行入口,亦都可以进海港城经天桥出入

尖沙咀分店有两层,单层面积比铜锣湾分店大,行起上嚟比较舒服,两层分别以创意生活同人文艺术为主题,有得买又有得食。不过正因为又有书卖,又有唔同品牌嘅专柜同食店,所以行起上嚟都有少少迷茫,感觉规划得有d乱。

新店直击!诚品生活尖沙咀店正式试业!
行落有d似文青版百货公司,不过就冇特别划分区域,有d乱
新店直击!诚品生活尖沙咀店正式试业!
虽然係诚品生活,但当然都有书卖
新店直击!诚品生活尖沙咀店正式试业!
除咗櫈之外,呢度仲有枱添,咁就可以更加舒服咁睇书喇
Bonjour烘焙坊

作为全间诚品生活唯一嘅热食卖点,离远已经闻到香味。一边睇书一边闻住麵包香,都真係几写意。

新店直击!诚品生活尖沙咀店正式试业!新店直击!诚品生活尖沙咀店正式试业!

为咗配合香港人口味,特别推出咗丹麦菠萝,将牛角包同菠萝包结合埋一齐($20)
新店直击!诚品生活尖沙咀店正式试业!
左边呢个仲大过人头嘅巧克力金桔,唔知要食几耐先食得晒呢? ($22/ 半个,$40/个)
掌生穀粒

掌生穀粒主张纯正蜂蜜精神,将8大果蜜带到嚟香港。以往要由台湾一樽樽咁搬返嚟香港先有得食,而家喺尖沙咀就有喇!不过价钱就比台湾贵,要方便定係要价钱平,就大家自己决定喇。

新店直击!诚品生活尖沙咀店正式试业!
摄影师哥哥早排先喺台湾辛辛苦苦咁搬咗d蜜糖返嚟,点知而家香港都有,一路影一路话早知唔洗搬得咁辛苦啦!($218-$268)
新店直击!诚品生活尖沙咀店正式试业!
呢度嘅冷泡茶亦好出名,而且每样茶都改咗个好靓嘅名,好似「董的小情歌」、「许家的日出天光」等等
御前上茶

相信大家对呢个品牌都唔陌生,而全间诚品生活入面,御前上茶係唯一一间有设置座位畀客人进食嘅店舖,亦係唯一一间甜品店。

新店直击!诚品生活尖沙咀店正式试业!

新店直击!诚品生活尖沙咀店正式试业!诺亚半熟蛋糕

越开越多嘅诺亚半熟蛋糕,亦都进驻埋诚品生活。

新店直击!诚品生活尖沙咀店正式试业!

Nicole’s Kitchen(香港品牌)

虽然唔係过江龙,不过呢间本地代表亦好吸引,果酱全部由创办人以天然食材亲手製作,食落唔会太甜,清清哋啱啱好。

新店直击!诚品生活尖沙咀店正式试业!
呢款红酒无花果果酱,坊间少见,而且味道特别($120)
新店直击!诚品生活尖沙咀店正式试业!
除咗果酱,亦有卖手工XO酱,鲜味十足而且唔太辣,记者都忍唔住买咗樽($250)
新店直击!诚品生活尖沙咀店正式试业!
顾客可以即时试食,试到啱为止

除咗以上嘅品牌之外,诚品生活亦有卖其他台湾食品。

新店直击!诚品生活尖沙咀店正式试业!
呢只蜂蜜乳酪丝绝对係食唔停推介,不过香港嘅售价就有d贵喇($119)
林果良品

以手工绅士鞋见称嘅林果良品,以男装为主打,不过部份鞋款有较细尺码,女仔亦啱着,但香港店暂时不设订造,只可以买现货,想订造嘅都係要去返台湾分店先得。

新店直击!诚品生活尖沙咀店正式试业!新店直击!诚品生活尖沙咀店正式试业!

呢对巴尔莫勒尔皮底靴,係香港特别限量款,连台湾总店都冇($2380)
广富号

为咗纪念进驻香港,广富号亦推出咗香港特别版货品,包括麻雀图案散纸包、地道小食证件套等等,诚意十足!

新店直击!诚品生活尖沙咀店正式试业!
呢款麻雀图案散纸包,仲可以订造唔同嘅麻雀,有齐42款($115)
新店直击!诚品生活尖沙咀店正式试业!
地道小食证件套($120)
grion

grion最出名嘅係佢嘅环保袋,不过行到入去,记者反而被其他小物吸引住!

新店直击!诚品生活尖沙咀店正式试业!新店直击!诚品生活尖沙咀店正式试业!

以水松木压製而成嘅证件套同埋各种配件都好有特色
新店直击!诚品生活尖沙咀店正式试业!
恶搞各种卡通人物嘅明信片,好想带晒佢哋返屋企!

想知道更多其他品牌同埋工作坊嘅详情,就要留意10月5号出版嘅第839期《新假期》喇!

诚品生活

地址:尖沙咀梳士巴利道3号星光行2-3楼

营业时间:10am – 10pm

上一篇: 下一篇: